मुख्य संपादक – अब्दुल बारी खान
दिनांक १३/०२/२०२६ रोजी सकाळी १०/०० वा सुमारास फिर्यादी यांची अल्पवयीन मुलगी राहते घरात मिळुन आली नसल्याने त्यांनी आजुबाजुच्या परीसरात मित्रमैत्रिणीकडे चौकशी केली असता निळुन येत नसल्याने दिनांक १४/०२/२०२६ रोजी सायंकाळी १८/०० फुरसुंगी पोलीस स्टेशन येथे तक्रार दिली होती. त्यावरुन फुरसुंगी पोलीस स्टेशन गु.रजि.नं. ५५/२०२६ भारतीय न्याय संहिता कलम १३७ (२) अन्वये गुन्हा दाखल करण्यात आला आहे.
मा. वरीष्ठांचे आदेशान्वये पोलीस पथक तयार करुन अपहृत मुलीचा शोध घेत असताना मिळालेल्या माहीतीचे आधारे तसेच तांत्रिक विश्लेषनावरुन अपहृत सासवड रोड रेल्वे स्टेशन परीसरात असल्याची गोपनिय माहीती मिळाली की, सदरची मुलगी ही सातारा या ठिकाणाहुन पुणे या ठिकाणी निघाली असल्याबाबतची माहीती मिळाली असता तिला सासवड रोड रेल्वे स्टेशन येथुन सुखरुप ताब्यात घेण्यात आली असुन सदर गुन्हा दाखल होताच २४ तासाचे आत गुन्हयाची उकल करण्यात फुरसुंगी पोलीसांना यश आले आहे.
सदरची कामगिरी मा.डॉ. राजकुमार शिंदे, पोलीस उपआयुक्त परि.-६, पुणे शहर यांचे मार्गदर्शनाखाली मा. अनुराधा उदमले मॅडम, सहा. पोलीस आयुक्त, लोणीकाळभोर विभाग पुणे शहर, श्री. अमोल मोरे, वरिष्ठ पोलीस निरिक्षक, फुरसुंगी पोलीस स्टेशन, पुणे शहर यांचे सुचनेप्रमाणे पोउपनि खंदारे, कोमल जाधव, पोलीस हवालदार ७३०२ सुनिल कांबळे, पोलीस हवालदार ७४९४ सतिश काळे, पोलीस हवालदार ३१४ हरी कदम, पोलीस अमलदार १२४५ वैभव भोसले, पोलीस अमलदार २४९७ बिरु घोडके, पोलीस अमलदार २६ हनुमंत भिसे सर्व नेमणुक फुरसुंगी पोलीस स्टेशन, पुणे शहर यांनी प्रशंसनीय कामगिरी केली आहे.
वरील गुन्हयाचा तपास श्री बापुसाहेब खंदारे, पोलीस उप-निरीक्षक, फुरसुंगी पोलीस स्टेशन पुणे शहर हे करत आहेत.
