मुख्य संपादक – ( अब्दुल बारी खान )
काळेपडळ पोलीस ठाण्याच्या तपास पथकाने उत्कृष्ट कामगिरी करत सराईत वाहनचोर आरोपीस अटक करून चोरीस गेलेल्या ४ दुचाकी वाहने जप्त केली आहेत. या मुद्देमालाची एकूण किंमत सुमारे २ लाख ८० हजार रुपये आहे.
काळेपडळ पोलीस ठाण्यात गु.रजि.नं. ५०४/२०२५, भा.न्या.सं. कलम ३०३(२) अन्वये गुन्हा दाखल होता. या गुन्ह्यातील आरोपीचा शोध घेण्यासाठी पोलीस अंमलदार शाहीद शेख व अतुल पंधरकर यांना बातमीदारामार्फत माहिती मिळाली. त्या अनुषंगाने केलेल्या कारवाईत आरोपी चोरीच्या दुचाकीसह मिळून आला.
ताब्यात घेतल्यानंतर त्याने आपले नाव आब्बास ऊर्फ कलिंगड सय्यद पठाण (वय १९), रा. गल्ली नं. १९, शिवनेरी नगर, कोंढवा, पुणे असे सांगितले. अधिक तपासात आरोपीने यापूर्वीही वेगवेगळ्या पोलीस ठाण्यांच्या हद्दीतून दुचाकी चोरी केल्याची कबुली दिली.
जप्त केलेल्या दुचाकी (एकूण ४):
स्प्लेंडर प्लस – क्रमांक MH 12 NG 4666
स्प्लेंडर – क्रमांक MH 12 TE 3317
होंडा फॅशन प्रो – क्रमांक MH 09 BQ 9281
होंडा शाईन – क्रमांक MH 10 CC 6894
या कारवाईमुळे काळेपडळ, लष्कर, हडपसर आदी पोलीस ठाण्यांतील (गु.रजि.क्र. ६८५/२०२४, २०७/२०२५, ९३६/२०२५ व ५०४/२०२५) चोरीचे गुन्हे उघडकीस आले आहेत.
सदरची कामगिरी डॉ. राजकुमार शिंदे (पोलीस उप आयुक्त, परिमंडळ ६) यांच्या मार्गदर्शनाखाली, अतुलकुमार नवगिरे (सहाय्यक पोलीस आयुक्त, हडपसर विभाग) व मानसिंग पाटील (वरिष्ठ पोलीस निरीक्षक, काळेपडळ पोलीस ठाणे) यांच्या सूचनेनुसार पार पडली.
या पथकात पोलीस उपनिरीक्षक विनायक गुरव, तसेच पोलीस अंमलदार प्रविण काळभोर, दाऊद सय्यद, प्रतिक लाहीगुडे, किशोर पोटे, शाहीद शेख, विशाल ठोंबरे, लक्ष्मण काळे, अतुल पंधरकर, नितीन ढोले, सद्दाम तांबोळी, महादेव शिंदे यांचा समावेश होता. पथकाच्या या प्रशंसनीय कामगिरीबद्दल वरिष्ठांनी कौतुक केले आहे.
