मुख्य संपादक -( अब्दुल बारी खान )
या सभेला खासदार सुप्रिया सुळे यांनी विशेष उपस्थिती लावून नागरिकांना संबोधित केले. आपल्या भाषणात त्यांनी कोंढवा परिसराच्या सर्वांगीण विकासासाठी ठोस आश्वासने दिली. सुप्रिया सुळे यांची प्रमुख आश्वासने हज हाऊस परिसराचा विकास कोंढव्यातील ९ एकर जागेत भव्य गार्डन विकसित करण्यात येणार असून, नागरिकांसाठी हिरवळ, चालण्याचा ट्रॅक, खेळाची मैदाने आणि विरंगुळ्याच्या सुविधा उपलब्ध करून देण्यात येतील.नशा मुक्त कोंढवा अभियान :
“नशा मुक्त कोंढवा” हे ध्येय ठेवून युवकांना योग्य दिशा देण्यासाठी विशेष कार्यक्रम, जनजागृती मोहिमा आणि प्रशासनाच्या मदतीने कडक कारवाई केली जाईल.स्थानिक प्रश्नांवर भर :
पाणीपुरवठा, रस्ते, स्वच्छता, आरोग्य व शिक्षण या मूलभूत सुविधांवर प्राधान्याने काम करण्यात येईल.नागरिकांचा विश्वास
सभेत बोलताना हाजी गफूर पठाण यांनी सांगितले की, “कोंढव्यातील प्रत्येक नागरिकाचा आवाज प्रशासनापर्यंत पोहोचवणे आणि विकास प्रत्यक्षात उतरवणे हेच आमचे ध्येय आहे.”
नागरिकांनीही उत्स्फूर्त प्रतिसाद देत विकासासाठी एकत्र येण्याचा निर्धार व्यक्त केला.
ही सभा कोंढवा कौसरबाग परिसरातील राजकीय व सामाजिक घडामोडींमध्ये महत्त्वाची ठरली असून, येत्या काळात कोंढव्यातील विकासाला नवी दिशा मिळेल, असा विश्वास नागरिकांमध्ये व्यक्त होत आहे.
