मुख्य संपादक- ( अब्दुल बारी खान )
पुणे (कोंढवा):
Grindr या समलिंगी डेटिंग अॅपच्या माध्यमातून नागरिकांशी संपर्क साधून त्यांना एकांतस्थळी बोलावून जबरी लूट करणाऱ्या टोळीला कोंढवा पोलिसांनी अटक करून मोठी कामगिरी बजावली आहे. या प्रकरणी कोंढवा पोलीस स्टेशन गु.र.नं. ३९/२०२६ भारतीय न्याय संहिता २०२३ चे कलम ३०९ (४), ११५(२), ३५२, ३५१(२)(३), ३(५) अन्वये गुन्हा दाखल करण्यात आला होता.
फिर्यादी यांना दिनांक ११/०१/२०२६ रोजी Grindr अॅपवरून संपर्क साधत डेटिंगच्या बहाण्याने रात्री मोकळ्या मैदानात बोलावण्यात आले. तेथे आरोपींनी लोखंडी हत्याराचा धाक दाखवून फिर्यादीकडील मोबाईल फोन, सोन्याची चैन, अंगठी तसेच एटीएमद्वारे रोख रक्कम जबरदस्तीने हिसकावून घेतली होती.
या गुन्ह्याच्या तपासादरम्यान दिनांक २०/०१/२०२६ रोजी कोंढवा पोलीस स्टेशनच्या तपास पथकाने सीसीटीव्ही फुटेज व मोबाईल नंबरच्या आधारे आरोपींची ओळख पटवली. पोलीस अंमलदार पुष्पेंद्र चव्हाण व सुहास मोरे यांना मिळालेल्या गोपनीय माहितीनुसार सोमजी, कोंढवा बु. परिसरात सापळा रचून खालील आरोपींना अटक करण्यात आली—
राहील अकिल शेख (वय १९), रा. सोमजी, कोंढवा बु., पुणे
नुहान नईम शेख (वय १८), रा. इसाक टॉवर, लक्ष्मीनगर, कोंढवा बु., पुणे
शाहिद शाहनुर मोमीन (वय २५), रा. संतोषनगर, कात्रज, पुणे
ईशान निसार शेख (वय २५), रा. अंजलीनगर, कात्रज, पुणे
वाहीद दस्तगीर शेख (वय १८), रा. कोंढवा खुर्द, पुणे
पोलिस उपनिरीक्षक रविंद्र गावडे यांनी केलेल्या सखोल तपासात आरोपींकडून आणखी दोन गुन्हे उघडकीस आले असून त्यामध्ये—
कोंढवा पोलीस स्टेशन गु.र.नं. ०३/२०२६
कोंढवा पोलीस स्टेशन गु.र.नं. ४२/२०२६
हे गुन्हे बीएनएस कलम ३०९ (४), ३(५) अंतर्गत दाखल असल्याचे निष्पन्न झाले आहे.
आरोपींकडून गुन्ह्यात वापरलेले ३ मोबाईल फोन, लोखंडी कोयता तसेच २ दुचाकी वाहने हस्तगत करण्यात आली आहेत.
ही कारवाई मा. मनोज पाटील (अपर पोलीस आयुक्त, पूर्व विभाग, पुणे), राजलक्ष्मी शिवणकर (पोलीस उपआयुक्त, परिमंडळ ०५), नम्रता देसाई (सहाय्यक पोलीस आयुक्त, वानवडी विभाग) यांच्या मार्गदर्शनाखाली वरिष्ठ पोलीस निरीक्षक कुमार घाडगे व पोलीस निरीक्षक (गुन्हे) नवनाथ जगताप यांच्या नेतृत्वाखाली पार पडली.
तपास पथकातील अधिकारी व अंमलदार
निलेश देसाई, गोरखनाथ चिनके, पुष्पेंद्र चव्हाण, रशिद शेख, सुहास मोरे, अमित सुर्यवंशी, सुरज शुक्ला, संतोष बनसोडे, रियाज पटेल, केशव हिरवे, शाहिद राजपूत, प्रशांत खाडे, राहुल शेलार
यांनी ही यशस्वी कारवाई केली.
