उपसंपादक – ( शाहरुख शेख )
आज रोजी मार्शल कर्तव्यावर असणाऱ्या पोलिस अंमलदारांना 112 या आपत्कालीन क्रमांकावरून एक महत्त्वाचा कॉल प्राप्त झाला. सदर कॉलमध्ये सना मुल्ला (वय 28 वर्षे) या महिलेची तिच्या राहत्या घरी प्रकृती बिघडल्याची माहिती देण्यात आली होती व तिला तातडीच्या वैद्यकीय उपचारांची गरज असल्याचे कळविण्यात आले.
कॉल मिळताच मार्शल कर्तव्यावर असणाऱ्या महिला पोलीस शिपाई क्रमांक 47 मकानदार व 9765 ताटे यांनी अत्यंत तत्परतेने घटनास्थळी धाव घेतली. त्यांनी परिस्थितीचे गांभीर्य ओळखून सना मुल्ला यांना तात्काळ सणा हॉस्पिटल येथे उपचाराकरिता दाखल केले.
दरम्यान, सदर महिलेच्या घरी तिची दोन लहान मुले असून त्यांची काळजी घेण्यासाठी कोणीही उपस्थित नसल्याचे निदर्शनास आले. त्यामुळे त्या चिमुकल्यांना सुरक्षिततेच्या दृष्टीने पोलीस स्टेशन येथे आणण्यात आले.
यानंतर सना मुल्ला यांचे वडील रफिक मुल्ला व आई रोशन मुल्ला यांना पोलीस स्टेशन येथे बोलावून घेण्यात आले व दोन्ही लहान मुलांना सुखरूप त्यांच्या ताब्यात देण्यात आले.
सध्या सना मुल्ला यांची प्रकृती स्थिर असून त्या ससून हॉस्पिटल येथे उपचाराधीन आहेत. मार्शल पोलिसांच्या वेळेवर केलेल्या कार्यवाहीमुळे एक मोठी अनर्थाची शक्यता टळली असून नागरिकांच्या सुरक्षिततेसाठी पोलिस सदैव तत्पर असल्याचे पुन्हा एकदा अधोरेखित झाले आहे.
