पुणे ग्रँड चॅलेंज टूर प्रोलॉग स्पर्धेमुळे शहरातील प्रमुख रस्त्यांवर वाहतूक बदल

उपसंपादक – ( शाहरुख शेख )

पुणे शहरात पुणे जिल्हा प्रशासन आणि सायकलिंग फेडरेशन ऑफ इंडिया (CFI) यांच्या संयुक्त विद्यमाने आयोजित “पुणे ग्रँड चॅलेंज टूर” या आंतरराष्ट्रीय सायकलिंग स्पर्धेचा प्रोलॉग टप्पा दि. 19 जानेवारी 2026 रोजी सकाळी 9.00 ते सायंकाळी 6.00 वाजेपर्यंत पार पडणार आहे.

या स्पर्धेमुळे शहरातील काही प्रमुख रस्त्यांवर वाहतूक तात्पुरत्या स्वरूपात बंद ठेवण्यात येणार असून, नागरिकांच्या सोयीसाठी पर्यायी मार्गांची व्यवस्था करण्यात आली आहे. संबंधित कालावधीत आवश्यक सेवेतील वाहने (रुग्णवाहिका, अग्निशमन, पोलीस वाहने इ.) वगळता इतर वाहनांना बंद मार्गांवर प्रवेश दिला जाणार नाही.

बंद राहणारे प्रमुख मार्ग :

खडकी बाबा चौक – गुडलक चौक – तुकाराम महाराज पाडुका चौक – ललित महल चौक – विर चौफेकर चौक – सूर्यमुखी दत्त मंदिर चौक – रेंज हिल्स जंक्शन – चाफेकर चौक – सिमला ऑफिस चौक – सखदेव चौक – स. गो. बर्वे चौक – बालगंधर्व चौक – डेक्कन जिमखाना बस स्टँड.

पर्यायी मार्गांची वाहतूक व्यवस्था :

वाहनचालकांनी स्पर्धा कालावधीत पोलीस प्रशासनाने जाहीर केलेल्या पर्यायी मार्गांचा वापर करावा, असे आवाहन करण्यात आले आहे. संबंधित संपूर्ण मार्गावर नो-पार्किंग झोन लागू राहणार आहे.

पोलीस प्रशासनाचे आवाहन :

वाहनचालक व नागरिकांनी गैरसोय टाळण्यासाठी नियोजित वेळेत प्रवास आखावा, पोलिसांच्या सूचनांचे पालन करावे आणि सहकार्य करावे, असे आवाहन पोलीस उप-आयुक्त (वाहतूक) पुणे शहर यांनी केले आहे.