पुणे प्रतिनिधी
सोमजी चौक येथील वाईन शॉप खुलेआम सुरू – प्रशासनाच्या निर्णयाला केराची टोपली**
अजित पवार यांच्या दुर्दैवी अपघाती निधनामुळे पुणे महानगरपालिकेने आज संपूर्ण पुणे शहर बंद ठेवण्याचा निर्णय घेतला होता. या पार्श्वभूमीवर अत्यावश्यक सेवा वगळता सर्व दुकाने, आस्थापना बंद ठेवण्याचे स्पष्ट आदेश देण्यात आले होते.
मात्र या आदेशांना डावलून सोमजी चौक येथील वाईन शॉप खुलेआम सुरू असल्याचे चित्र समोर आले आहे. पुणे शहरात शोककळा पाळली जात असताना आणि सामान्य नागरिकांनी प्रशासनाच्या आवाहनाला प्रतिसाद देत दुकाने बंद ठेवलेली असताना, संबंधित वाईन शॉप सुरू असल्याने नागरिकांमध्ये तीव्र संताप व्यक्त केला जात आहे.
प्रशासनाने बंदचे आदेश दिले असतानाही असे प्रकार सुरू असतील, तर नियम सर्वसामान्यांसाठीच आहेत का? असा प्रश्न उपस्थित केला जात आहे. पोलिस प्रशासन व महापालिका अधिकाऱ्यांनी या प्रकाराची तातडीने दखल घेऊन संबंधितांवर कारवाई करावी, अशी जोरदार मागणी नागरिकांकडून होत आहे.
शोक व्यक्त करण्यासाठी जाहीर केलेला पुणे बंद जर अशा प्रकारे धाब्यावर बसवला जात असेल, तर प्रशासनाची विश्वासार्हता आणि आदेशांची अंमलबजावणी यावर गंभीर प्रश्नचिन्ह निर्माण होत आहे.
