पुणे प्रतिनिधी :
कोरेगाव पार्क परिसरातील लेन क्रमांक ७ येथील हर्मीस प्लाझा इमारतीच्या तिसऱ्या मजल्यावर, मेरिडियन आईस्क्रीम समोर असलेल्या “आर्य स्पा” या ठिकाणी स्पा सेंटरच्या नावाखाली वेश्यावृत्तीचा व्यवसाय सुरू असल्याचा आरोप नागरिकांकडून केला जात आहे.
या ठिकाणी संशयास्पद हालचाली, बाहेरून येणाऱ्या ग्राहकांची सतत वर्दळ आणि रात्री उशिरापर्यंत सुरू असलेले व्यवहार यामुळे परिसरातील नागरिकांमध्ये भीतीचे वातावरण निर्माण झाले आहे. अनेक वेळा तक्रारी होऊनही संबंधित पोलिसांकडून ठोस कारवाई होत नसल्याचा आरोप होत आहे.
या प्रकरणात तात्काळ कारवाई करण्यात यावी, अन्यथा आजाद समाज पार्टी (कां.) यांच्या वतीने आंदोलन छेडले जाईल, असा इशारा पुणे जिल्हा सचिव परशुराम का. कुंभार यांनी दिला आहे.
“पोलिस प्रशासनाने याकडे दुर्लक्ष केल्यास आम्ही रस्त्यावर उतरून तीव्र आंदोलन करू,” असे त्यांनी सांगितले.
या संदर्भात पोलिस आयुक्त, गुन्हे शाखा आणि संबंधित पोलीस ठाण्याचे वरिष्ठ अधिकारी यांनी तातडीने लक्ष घालून चौकशी करून दोषींवर कठोर कारवाई करावी, अशी मागणी करण्यात येत आहे.
अधिक माहितीसाठी संपर्क :
परशुराम का. कुंभार
पुणे जिल्हा सचिव, आजाद समाज पार्टी (कां.)
मो. ८८०६५७४७४०
