मुख्य संपादक – ( अब्दुल बारी खान )
दि. १४/०३/२०२६ रोजी कोंढवा पोलीस ठाण्याच्या तपास पथकाने उत्कृष्ट कामगिरी करत महाराष्ट्र संघटित गुन्हेगारी नियंत्रण अधिनियम (MCOCA) अंतर्गत गुन्ह्यातील तब्बल ८ महिन्यांपासून फरार असलेला आरोपी अटक केला.
कोंढवा पोलीस स्टेशन गु.र.नं. ५३७/२०२५ मध्ये भारतीय न्याय संहिता २०२३ चे कलम १०९, १८९(२), १८९(४), १९१(१), १९१(३), आर्म अॅक्ट ४/२५, मुंबई पोलीस अॅक्ट ३७(१)(३) सह १३५, क्रि. लॉ. अमेंडमेंट अॅक्ट ७ तसेच महाराष्ट्र संघटित गुन्हेगारी नियंत्रण अधिनियम १९९९ चे कलम ३(१)(ii), ३(२), ३(४) अंतर्गत गुन्हा दाखल आहे.
या गुन्ह्यातील पाहिजे आरोपी प्रशांत उर्फ चिम्या भाऊसाहेब घाडगे (वय २६ वर्षे, रा. गोरक्षस्मृती, बी विंग, फ्लॅट नं. ६०८, गुजरवाडी रोड, खोपडे नगर, कात्रज, पुणे) हा सुमारे ८ महिन्यांपासून फरार होता.
गुन्ह्याचा तपास करत असताना पोलीस हवालदार विशाल मेमाणे, पोलीस अंमलदार सुरज शुक्ला व संतोष बनसुडे यांना त्यांच्या बातमीदारामार्फत माहिती मिळाली की संबंधित आरोपी हा त्याच्या राहत्या घराजवळील परिसरात फिरत आहे.
मिळालेल्या खात्रीशीर माहितीच्या आधारे दि. १४/०३/२०२६ रोजी सायं. ६.०० वाजण्याच्या सुमारास कोंढवा पोलीस तपास पथकाने सापळा रचून आरोपीस त्याच्या राहत्या घराजवळून ताब्यात घेऊन गुन्ह्यात अटक केली.
ही कारवाई मा. पोलीस उपआयुक्त परिमंडळ-५ श्रीमती राजलक्ष्मी शिवणकर, मा. सहा. पोलीस आयुक्त वानवडी विभाग श्रीमती नम्रता देसाई, मा. वरिष्ठ पोलीस निरीक्षक कोंढवा पोलीस स्टेशन श्री. कुमार घाडगे व मा. पोलीस निरीक्षक (गुन्हे) श्री. नवनाथ जगताप यांच्या मार्गदर्शनाखाली करण्यात आली.
सदर कारवाई कोंढवा पोलीस स्टेशन तपास पथकाचे
पोलीस उपनिरीक्षक रविंद्र गावडे
पो.हवा. विशाल मेमाणे
पो.हवा. रविंद्र चिप्पा
पो.हवा. रशिद शेख
पो.अं. सुरज शुक्ला
पो.अं. संतोष बनसुडे
पो.अं. पुष्पेंद्र चव्हाण
पो.अं. शाहिद राजपूत
पो.अं. हिरवे
पो.अं. अमित सुर्यवंशी
पो.अं. रियाज पटेल
पो.अं. प्रशांत खाडे
यांच्या पथकाने केली आहे.
