पुणे प्रतिनिधी :
कोरेगाव पार्क परिसरातील राघविलास सोसायटी येथील “ओरियन थाई स्पा” या ठिकाणी स्पा सेंटरच्या नावाखाली वेश्यावृत्तीचा व्यवसाय सुरू असल्याचा गंभीर आरोप नागरिकांकडून करण्यात येत आहे.
या ठिकाणी संशयास्पद हालचाली, बाहेरून येणाऱ्या ग्राहकांची सतत वर्दळ तसेच रात्री उशिरापर्यंत सुरू असलेले व्यवहार यामुळे परिसरातील नागरिकांमध्ये भीती व अस्वस्थतेचे वातावरण निर्माण झाले आहे. या संदर्भात वारंवार तक्रारी होऊनही संबंधित पोलिसांकडून ठोस कारवाई होत नसल्याचा आरोप नागरिक करत आहेत.
या प्रकरणात तात्काळ कारवाई करण्यात यावी, अन्यथा आजाद समाज पार्टी (कां.) यांच्या वतीने आंदोलन करण्यात येईल, असा इशारा पुणे जिल्हा सचिव परशुराम का. कुंभार यांनी दिला आहे. पोलिस प्रशासनाने याकडे दुर्लक्ष केल्यास तीव्र आंदोलन छेडले जाईल, असेही त्यांनी स्पष्ट केले.
कोरेगाव पार्कसारख्या संवेदनशील व प्रतिष्ठित भागात अशा प्रकारे कायदा व सुव्यवस्थेला धक्का देणारे प्रकार सुरू असल्यास त्याचे गंभीर परिणाम समाजावर होऊ शकतात, असे मत सामाजिक कार्यकर्त्यांनी व्यक्त केले आहे.
या संदर्भात पोलिस आयुक्त, गुन्हे शाखा व संबंधित पोलीस ठाण्याचे वरिष्ठ अधिकारी यांनी तातडीने लक्ष घालून सखोल चौकशी करून दोषींवर कठोर कारवाई करावी, अशी मागणी करण्यात येत आहे.
अधिक माहितीसाठी संपर्क :
परशुराम का. कुंभार
पुणे जिल्हा सचिव, आजाद समाज पार्टी (कां.)
मो. ८८०६५७४७४०
