उपसंपादक – शाहरुख शेख
दिनांक २०/०२/२०२६ रोजी दुपारी १/३० वाजण्याच्या सुमारास यातील फिर्यादी हे त्यांचे घरातील नातेवाईकांसह लग्नकार्यासाठी गेलेले असताना मौजे शरदवाडी, जांबुत (जोरीलबन) ता शिरूर जि पुणे राहते घराचे समोरील व-हांडयामध्ये यातील फिर्यादी यांची आई श्रीमती लहानुबाई सखाराम सरोदे, वय ९० वर्ष हया बसलेल्या असताना त्यांचे गळयातील सहा तोळे वजनाचे ४,८०,०००/- रूपये किंमतीचे सोन्याचे दागीने एका अज्ञात इसमाने जबरीने चोरी करून घेवुन गेलेबाबत फिर्यादी नामे श्री. मच्छिंद्र सखाराम सरोदे रा शरदवाडी जांबुत ता शिरूर जि पुणे यांनी शिरूर पोलीस स्टेशन गुन्हा रजिस्टर नंबर १५१/२०२६ भारतीय न्याय संहिता २०२६ चे कलम ३०९ (४) अन्वये गुन्हा दाखल करण्यात आला आहे.
ज्येष्ठ महीलेच्या गळयातील सोन्याचे दागिने जबरीने चोरी झाल्याची गंभीरता व संवेदनशिलता लक्षात घेवून पोलीस निरीक्षक श्री. संदेश केंजळे, यांनी तपास पथकाचे पोलीस उपनिरीक्षक श्री शुभम चव्हाण व पोलीस अंमलदार यांना सदर गुन्हयातील चोरट्याचा व गेले मालाचा शोध घेण्याचे आदेश दिले.
सदर गुन्हयाचा तांत्रीक विश्लेषन व बातमीदार यांचेकडुन माहीती संकलन करून तपास करीत असताना सदरचा गुन्हा आकाश किसन मेरगळ, रा. पंचतळे जांबुत ता. शिरूर जि.पुणे याने केल्याची प्राथमिक माहीती मिळाली. सदर प्राप्त माहीतीच्या अनुषंगाने आकाश किसन मेरगळ, वय २० वर्ष, रा. पंचतळे जांबूत ता. शिरूर जि.पुणे यास ताब्यात घेवुन त्याचेकडे केलेल्या अधिक तपासामध्ये सदरचा गुन्हा केल्याचे निष्पन्न झाले असून आरोपीताकडून त्याने चोरी केलेले सहा तोळे वजनाचे ४,८०,०००/- रूपये किंमतीचे सोन्याचे दागिने जप्त करण्यात आले आहेत. सदर गुन्हयाचा पुढील अधिक तपास श्री. दिपक करांडे, सहायक पोलीस निरीक्षक हे करीत आहेत.
सदरची कारवाई ही मा. पोलीस अधीक्षक श्री संदिप सिंह गिल्ल साो. मा. अप्पर पोलीस अधिक्षक श्री. रमेश चोपडे साो, मा. उपविभागीय पोलीस अधिकारी श्री प्रशांत ढोले सो मा. पोलीस निरीक्षक श्री. संदेश केंजळे साो, यांचे मार्गदर्शनाखाली श्री. दिपक करांडे, सहायक पोलीस निरीक्षक, शिरूर पोलीस ठाणे गुन्हे शोध पथकाचे पोलीस उपनिरीक्षक श्री. शुभम चव्हाण, पोलीस अमंलदार नितेश थोरात, सचिन भोई, विजय शिंदे, निरज पिसाळ, निखील रावडे, अजय पाटील, दादाराव नागरे, भाउसाहेब ठोसरे, शंकर बल्लाळ यांचे पोलीस पथकाने केली आहे.
