मुख्य संपादक – अब्दुल बारी खान
दिनांक ०१/१०/२०२५ रोजी सायंकाळी १९/३० वा.चे सुमारास मंतरवाडी फाटा, फुरसुंगी पुणे येथे आरोपी अमर हनुमंत गाडे, रा. खराडी, पुणे हा ०१ गावठी बनावटीचे मॅग्झीन व ०३ जिवंत काडतुसे विनापरवाना, बेकायदेशीर व अनाधिकाराने जवळ बाळगले असताना मिळून आला होता. तसेच तडीपार आरोपी गोपाळ संजय यादव रा. शिरूर, जि. पुणे हा त्याचेसोबत मिळून आल्याने ताब्यात घेण्यात आले होते. वरील ताब्यातील आरोपींकडे तपासामध्ये आरोपी नामे सनी संजय यादव याने गावठी बनावटीचे पिस्टल खरेदी करण्यासाठी रोख रक्कम दिली असून आरोपी निशांत भगवान भगत हा सदरचे गावठी पिस्टल खरेदी करण्यासाठी त्यांचेसोबत मध्यप्रदेश येथे गेले असल्याचे निष्पन्न झाल्याने फुरसुंगी पोलीस स्टेशन, पुणे शहर गु.र.नं. ३३३/२०२५ भारतीय हत्यार कायदा कलम ३ (२५). महाराष्ट्र पोलीस अधिनियम कलम १४२. ३७(१) (३) सह १३५ अन्वये दिनांक ०२/१०/२०२५ रोजी गुन्हा दाखल आहे. गुन्हयाचे तपासामध्ये सनी यादव यास सचिन ऊर्फ पप्पू दत्तात्रय घोलप, रा. धनकवडी, पुणे याने गावठी
पिस्टल, मॅग्झीन व जिवंत काडतुसे खरेदी करण्यासाठी सांगितले असून आरोपींनी त्याचे सांगणेवरून मध्यप्रदेश येथून आणली असल्याचे निष्पन्न झाले, अटक आरोपींनी दिलेल्या माहितीप्रमाणे लाकडी हनुमान गाव, ता. शिरपूर, जि. धुळे येथून इसम नामे सनीसिंग याचेकडून गावठी पिस्टल, मॅग्झीन, जिवंत काडतुसे घेतले असल्याची माहिती मिळाली. पोलीस पथकाने लाकडी हनुमान गावामध्ये जावून स्थानिक पोलीसांचे मदतीने तपास केला. तपासामध्ये संशयीत इसम नामे सनीसिंग ऊर्फ बच्चनसिंग ऊर्फ सनीभाई चावला हा उमरठी, ता. वरला, जि. बरवानी, राज्य मध्यप्रदेश येथील असल्याची माहिती मिळाली असून तो गुन्हेगारांशी संपर्क करून वेगवेगळ्या ठिकाणी बोलावून घेवून गावठी बनावटीचे पिस्टल विक्री करत असल्याची गोपनिय माहिती मिळाली. पोलीस पथकाने प्राप्त माहितीवरून संबंधित ठिकाणाचे वरला पोलीस स्टेशन, राज्य मध्यप्रदेश येथे जावून स्थानिक पोलीसांचे मदतीने शोध घेतला परंतु तो मिळून आला नाही. तद्नंतर गुन्हयाचे तपासामध्ये सनीसिंग हा काळेपडळ पोलीस स्टेशन, कोंढवा पोलीस स्टेशन तसेच विमानतळ पोलीस स्टेशन, पुणे येथील गुन्हयामध्ये अटकेत असून तो सध्या येरवडा कारगृहात असल्याची माहिती मिळाली. कायदेशीर प्रक्रियेतून निष्पन्न आरोपी सनीसिंग ऊर्फ बच्चनसिंग ऊर्फ सनीभाई दिवानसिंग चावला, रा. उमरठी, ता. वरला, जि. बरवानी, राज्य मध्यप्रदेश यारा ताब्यात घेवून अटक करण्यात आली आहे. त्याचेकडे गुन्हयाचे अनुषंगाने तपास केला असता त्याने वरील आरोपींना गावठी पिस्टल विक्री केल्याचे निष्पन्न झाले आहे. तसेच त्याचेकडे गावठी पिस्टल तयार करणारे आणखी साथीदारांबाबत तपास करता त्याने क्रेझीमॉन्टी ऊर्फ जयबीरसिंग प्रकाशसिंग चावला, गुरुचरणसिंग आवसिंग बर्नाला, परविनसिंग उत्तमसिंग टकराना, राजपालसिंग प्रधानसिंग जुनेजा, अलोकसिंग जोहरसिंग बर्नाला, नानकसिंग अजितसिंग बर्नाला सर्व रा. उमरठी, मध्यप्रदेश यांचे मदतीने गावठी पिस्टल तयार करत असल्याचे सांगून ते सध्या येरवडा कारगृहाद असल्याची माहिती दिली. त्याप्रमाणे निष्पन्न आरोपी यांना येरवडा कारागृहातून मे. कोर्ट आदेशाने ताब्यात घेण्यात येवून अटक करण्यात आली आहे. आरोपींकडे गुन्हयाचे अनुषंगाने तपास केला असता त्यांचा गुन्हयातील सहभाग असल्याचे निष्पन्न झाले आहे.
सदरची कामगीरी मा.डॉ. राजकुमार शिंदे, पोलीस उपायुक्त, परि- ६. पुणे शहर यांचे मार्गदर्शनाखाली मा. अनुराधा उदमले, सहा. पोलीस आयुक्त, लोणीकाळभोर विभाग पुणे शहर यांचे सुचनेप्रमाणे श्री. अमोल मोरे, वरिष्ठ पोलीस निरीक्षक, पोउनि महेश नलवडे, विनोद पवार, सपोफी सिध्देशवर पळसे, पोलीस हवालदार सतिश काळे हरिदास कदम, श्रीनाथ जाधव, पोलीस अंमलदार गणेश शिंदे सर्व नेमणुक फुरसुंगी पोलीस स्टेशन पुणे शहर यांनी उल्लेखनिय कामगीरी केली आहे.
