मुख्य संपादक – ( अब्दुल बारी खान )
पुणे शहर गुन्हे शाखेच्या अंमली पदार्थ विरोधी पथक–२ ने मोठी कारवाई करत तब्बल २७ ग्रॅम एम.डी. (मेफेड्रॉन) अंमली पदार्थ जप्त केला असून, याप्रकरणी दोन इसमांना अटक करण्यात आली आहे. जप्त करण्यात आलेल्या अंमली पदार्थाची अंदाजे किंमत १२ लाख ४१ हजार रुपये इतकी आहे.
दिनांक ०३ फेब्रुवारी २०२६ रोजी पहाटे सुमारे ०५.२८ वाजण्याच्या सुमारास, खराडी पोलीस स्टेशन हद्दीत खराडी ईऑन आयटी पार्क फेज–२ च्या मागील गेटजवळ, सार्वजनिक रोडवर गस्त घालत असताना ही कारवाई करण्यात आली.
अटक करण्यात आलेल्या आरोपींची नावे पुढीलप्रमाणे आहेत –
मोतीसिंह श्रवणसिंह राजपुरोहित (वय २८, व्यवसाय – गिफ्ट शॉप), रा. प्लॉट नं. ०६, धोका बिल्डिंग, लोहगाव रोड, वाघोली, पुणे.
हरीष सुजनाराम देवासी (वय २२, व्यवसाय – मोबाईल शॉप), रा. लेन नं. २, बायफ रोड, वाघोली, पुणे.
(दोघेही मूळ रहिवासी – राजस्थान राज्य)
आरोपींकडे विक्रीच्या उद्देशाने अनधिकृत व बेकायदेशीररीत्या एम.डी. अंमली पदार्थ बाळगत असल्याचे निष्पन्न झाल्याने, त्यांच्याविरोधात खराडी पोलीस स्टेशन येथे एन.डी.पी.एस. कायदा कलम ८(क), २१(ब), २९ अंतर्गत गुन्हा दाखल करण्यात आला आहे.
ही कारवाई मा. पोलीस आयुक्त श्री. अमितेश कुमार, मा. सह पोलीस आयुक्त श्री. रंजनकुमार शर्मा, मा. अपर पोलीस आयुक्त (गुन्हे) श्री. पंकज देशमुख, मा. पोलीस उपआयुक्त (गुन्हे) श्री. निखील पिंगळे व मा. सह पोलीस आयुक्त (गुन्हे–३) श्री. शंकर खटके यांच्या मार्गदर्शनाखाली करण्यात आली.
सदर कारवाईत अंमली पदार्थ विरोधी पथक–२, गुन्हे शाखा, पुणे शहर येथील प्रभारी पोलीस निरीक्षक श्री. पंडित रेजितवाड, सहायक पोलीस निरीक्षक नितीनकुमार नाईक, पोलीस उपनिरीक्षक अस्मिता लाड, तसेच पोलीस अंमलदार संदीप जाधव, पृथ्वीराज पांडुळे, सुनिल महाडीक, गणेश गोसावी, संदिप देवकाते, देविदास वांढरे, दिनेश बास्टेवाड, शुभांगी म्हाळसेकर व खराडी पोलीस स्टेशनच्या २४ मार्शल पथकातील पोलीस शिपाई पगारे व जाधव यांनी सहभाग घेतला.
पुणे पोलिसांची ही कारवाई शहरातील अंमली पदार्थविरोधी मोहिमेला मोठे यश देणारी ठरली आहे.
