उपसंपादक – ( शाहरुख शेख )
अखिल भारतीय उर्दू शिक्षक संघटनेच्या वतीने श्री. अमीनसाब मकसूदसाब शेख यांची पुणे शहराध्यक्षपदी नियुक्ती करण्यात आली आहे. श्री. शेख हे हाजी गुलाम मोहम्मद आझम उर्दू प्राथमिक शाळा, पुणे येथे सहाय्यक शिक्षक म्हणून कार्यरत आहेत.
ही नियुक्ती संघटनेचे प्रांतीय अध्यक्ष श्री. इल्हाजुद्दीन फारुकी (Ilhajuddin Farooqui) यांनी दिलेल्या अधिकृत नियुक्तीपत्राद्वारे जाहीर केली. नियुक्तीप्रसंगी मान्यवर शिक्षणतज्ज्ञ, उर्दू शिक्षक, तसेच सामाजिक कार्यकर्ते उपस्थित होते.
नियुक्तीनंतर प्रतिक्रिया देताना श्री. अमीनसाब मकसूदसाब शेख यांनी संघटनेने दाखवलेल्या विश्वासाबद्दल आभार व्यक्त केले. उर्दू माध्यमातील शिक्षकांच्या व विद्यार्थ्यांच्या शैक्षणिक समस्या, सुविधा व हक्कांसाठी संघटनेच्या माध्यमातून सक्रियपणे कार्य करण्याचा निर्धार त्यांनी व्यक्त केला. तसेच उर्दू शिक्षणाचा दर्जा उंचावण्यासाठी एकत्रित प्रयत्न करण्याचे आश्वासन दिले.
या नियुक्तीमुळे पुणे शहरातील उर्दू शिक्षकांमध्ये आनंदाचे वातावरण असून, संघटनेच्या कार्याला नवी दिशा मिळेल, अशी अपेक्षा व्यक्त केली जात आहे.
