उपसंपादक – ( शाहरुख शेख )
पुणे : जागतिक पातळीवरील प्रतिष्ठेची इंटरनॅशनल बजाज पुणे ग्रँड टूर सायकलिंग रेस आज कोंढवा परिसरातून मार्गस्थ होताच परिसरात उत्साहाचे वातावरण निर्माण झाले. विविध देशांतील आंतरराष्ट्रीय सायकलिस्ट एकाच रस्त्यावरून धावताना पाहणे हा कोंढवावासीयांसाठी अभिमानाचा क्षण ठरला.
या इंटरनॅशनल रेसच्या निमित्ताने कोंढवा परिसरात नागरिक, क्रीडाप्रेमी, युवक व लहान मुलांनी मोठ्या संख्येने उपस्थिती लावून सायकलिस्टचे जल्लोषात स्वागत केले. ही स्पर्धा केवळ क्रीडा स्पर्धा न राहता आरोग्य, पर्यावरण संरक्षण आणि सायकलिंग संस्कृतीचा संदेश देणारा जागतिक उपक्रम ठरत आहे.
कोंढव्यातून जाताना सायकलिस्टना मिळालेला प्रतिसाद पाहता पुणे शहराची ओळख आता आंतरराष्ट्रीय क्रीडा नकाशावर अधिक ठळकपणे उमटत असल्याचे दिसून आले. इंटरनॅशनल बजाज पुणे ग्रँड टूरमुळे पुणे आणि कोंढवा परिसराचा मान जागतिक स्तरावर उंचावल्याची भावना नागरिकांनी व्यक्त केली
