उपसंपादक – ( शाहरुख शेख )
पुणे जिल्हा प्रशासन व सायकलिंग फेडरेशन ऑफ इंडिया (CFI) यांच्या सहकार्याने आयोजित करण्यात आलेल्या आंतरराष्ट्रीय दर्जाच्या “बजाज पुणे ग्रँड टूर २०२६” सायकलिंग स्पर्धेमुळे पुणे व परिसरात वाहतूक व्यवस्थेत तात्पुरते बदल करण्यात आले आहेत.
दि. २२ जानेवारी २०२६ रोजी ही स्पर्धा आयोजित करण्यात आली असून, दि. २१ जानेवारी रोजी रात्री १०.०० वाजल्यापासून जड व अवजड वाहनांसाठी काही प्रमुख मार्गांवर वाहतूक बंद ठेवण्यात येणार आहे.
वाहतुकीसाठी बंद असणारे प्रमुख मार्ग :
सासवड – जेजुरी
सासवड – कापूरहोळ
सासवड – वीर
जेजुरी – सातारा
बारामती – नीरा – सातारा
या मार्गांवरील अनेक चौक व जोड रस्ते देखील तात्पुरते बंद राहणार असून, नागरिकांनी पर्यायी मार्गांचा वापर करावा, असे आवाहन प्रशासनाकडून करण्यात आले आहे.
स्पर्धा सुरळीत व सुरक्षित पार पडण्यासाठी प्रशासनाला सहकार्य करण्याचे आवाहन नागरिकांना करण्यात आले आहे.
