( उपसंपादक शाहरुख शेख )
छत्रपती शिवाजी महाराजांचे सचिव व विश्वासू वकील शिव श्री काझी हैदर यांचे १३ वे वंशज शिव श्री काझी सोहेल शमशुद्दीन शेख यांचा संत नामदेव शाळेत आयोजित कार्यक्रमात महात्मा फुले पगडी परिधान करून व स्मृतिचिन्ह देऊन भव्य सत्कार करण्यात आला.
या कार्यक्रमाचे आयोजन संत नामदेव शाळा यांच्या वतीने करण्यात आले होते. कार्यक्रम यशस्वी करण्यासाठी श्री अनिल भिमराव सरोदे सर यांचे विशेष योगदान लाभले. त्यांच्या उपस्थितीत व मार्गदर्शनाखाली हा गौरव सोहळा पार पडला.
शिवरायांच्या स्वराज्याच्या कारभारात न्याय, कायदा व प्रशासनात मोलाचे योगदान देणाऱ्या काझी घराण्याच्या ऐतिहासिक वारशाचा सन्मान म्हणून हा सत्कार करण्यात आला. उपस्थित मान्यवरांच्या हस्ते महात्मा फुले पगडी बांधून व स्मृतिचिन्ह प्रदान करत शिव श्री काझी सोहेल शमशुद्दीन शेख यांचा गौरव करण्यात आला.
या वेळी शिवकालीन इतिहास, सामाजिक समता व न्यायाची मूल्ये पुढील पिढीपर्यंत पोहोचवण्याचा संदेश देण्यात आला. हा क्षण शिक्षक, विद्यार्थी व उपस्थित नागरिकांसाठी अभिमानास्पद व प्रेरणादायी ठरला.
