उपसंपादक – शाहरुख शेख
आज दि. ०२/०३/२०२६ रोजी होळी सणानिमित्त वानवडी पोलीस ठाणेकडील तपास पथक हद्दीत कायदा व सुव्यस्था राखणेकामी व अवैध हालचालीवर कारवाई करणेकामी हद्दीत पेट्रोलिंग करीत असताना पोलीस हवालदार दया शेगर व अभिजीत चव्हाण यांना गुप्त बातमी मिळाली की, “हातभट्टीची गावठी दारु होडा सिटी कारमधुन वाहतुक करुन विक्री करणेकामी ढोबरवाडी येथे थांबलेले आहे.” अशा आशयाची बातमी मिळाल्याने मा. वरिष्ठांचे आदेशान्वये योग्य ती कार्यपध्दतीचा अवलंब करुन मिळालेल्या बातमीप्रमाणे ढोबरवाडी, घोरपडी, येथे संशयित वाहनास ताब्यात घेतले असता त्यामध्ये दोन इसम मिळून आले, त्यांचे नावे १) लियाकत रोहीत अब्बासी, वय ३२ वर्षे, धंदा दारु विक्री, रा. स.नं. ६६. ढोबरवाडी, रेल्वे पटरीच्या बाजुला, सोपानबाग, पुणे, २) समीर संजय राठोड, वय-२३ वर्षे, धंदा दारु तयार करणे, रा. शिंदवणे काळे शिवार, कॅनालच्या बाजुला, ता. हवेली, जि. पुणे अशी आहे.
दारु विक्री करणारा लियाकत अब्बासी याने सांगितले की, ” होळीचा सण असल्याने आणि पुणे शहरात गावठी हातभट्टी दारु मिळत नसल्यामुळे माझा मालक अजय विद्यानंद हिरेकेरु, रा. ढोबरवाडी, पुणे याने त्याचेकडील असलेली ही होंडा सिटी कार देऊन समीर राठोड, रा. शिंदवणे, पुणे याचेकडुन तयार हातभट्टीची गावठी दारुचे कॅन्ड विकत घेऊन येणेकामी सांगितल्याने त्याप्रमाणे मी समीर राठोड यांचेकडुन दारुचे कॅन्ड घेऊन त्याचेसह अजय हिरेकेरु यास देणेकामी येथे आलो असल्याचे सांगितले. नमुद इसमाच्या ताब्यातील एक होंडा सिटी चारचाकी कारची तपासणी करता त्यामध्ये काळ्या, निळया रंगाचे प्लास्टीकचे ३५ लिटर क्षमतेचे दारुने भरलेले एकुण १२ हत्ती कॅन्ड असे एकूण ४२० लिटर गावठी हातभट्टीची तयार दारु व त्याची वाहतुक करणेकामी वापरलेली होंडा सिटी झेड एक्स मॉडेलची कार तिचा आर.टी.ओ.नं.एम.एच.१२/डी. एस. ५०६२ असा एकुण २,४२,०००/-रु. कि.चा मुद्देमाल जप्त करण्यात आला आहे. यावरुन वानवडी पोलीस ठाणे येथे गुन्हा रजि. नं. ७३/२०२६ प्रमाणे गुन्हा दाखल करण्यात आला असुन त्याचा अधिक तपास पोलीस हवालदार अमोल पिलाणे हे करीत आहे.
सदरची कारवाई ही श्रीमती राजलक्ष्मी शिवणकर, पोलीस उप-आयुक्त सो, परिमंडळ ०५ पुणे शहर, नम्रता देसाई, सहा. पोलीस आयुक्त सो, वानवडी विभाग, पुणे शहर व श्री. भाऊसाहेब पाटील, वरिष्ठ पोलीस निरीक्षक व संगीता जाधव, पोलीस निरीक्षक (गुन्हे) वानवडी पो. स्टे. पुणे शहर यांचे सुचना व मार्गदर्शनाखाली तपास पथकाचे सहा. पोलीस निरीक्षक, उमाकांत महाडिक व पोलीस उपनिरीक्षक अल्फाज शेख, पोलीस अंमलदार दया शेगर, महेश गाढवे, अमोल पिलाणे, अतुल गायकवाड, आशिष कांबळे, अमोल गायकवाड, गोपाळ मदने, विष्णु सुतार, अभिजित चव्हाण, बालाजी वाघमारे, विठ्ठल चोरमले, अर्षद सय्यद, या विशेष पथकाने केली आहे
